Amigas e amigos:
Despois de case dous anos de ausencia deste blog, volvo hoxe, ó outro día de cristalizar a dimisión de X. L. Méndez Ferrín como Presidente da Real Academia Galega. E volvo non para quedar. Simplemente para lembrar un artigo que escribín hai uns días e publiquei en Praza Pública.
Creo que hoxe volve cobrar vixencia. Se non vos importa, volvo colocalo e con el actualizo a indignación, a tristeza e a preocupación que todo o ocorrido me produce.
Tras esta reaparición fuxidía, probablemente quede clausurado para sempre este blog, que só durante certo tempo fun capaz de manter vivo. Agora pensarei na posibilidade de abrir un novo espazo no que poida eu establecer comunicación con aquelas persoas que consideren interesante ese intercambio en cada momento. Reservo o derradeiro artigo da República da Multitude para cando deba anunciar ese novo habitáculo.
No seguinte artigo reproduzo o texto do que falaba antes.
Beizón.